Կիևում հեռուստաաշտարակի տեխնիկական սարքավորումները շարքից դուրս են եկել, բնակելի շենքերի ոչնչացում չի թույլատրվել։ Այս մասին այսօրվա ասուլիսի ընթացքում հայտարարել է ՌԴ ՊՆ պաշտոնական ներկայացուցիչը։ Գրում է ՏԱՍՍ-ը։
«Ռուսաստանի դեմ տեղեկատվական հարձակումները ճնշելու համար ճշգրիտ զենքերով հարվածներ են հասցվել Ուկրաինայի Անվտանգության ծառայության տեխնոլոգիական օբյեկտներին և հոգեբանական գործողությունների 72-րդ գլխավոր կենտրոնին»,- հայտնել է նա։
Նա նաև նշել է, որ ՌԴ ԶՈՒ-ն վերահսկողության տակ է վերցրել Տոկմակ և Վասիլևկա քաղաքները։
Հատուկ գործողության ընթացքում շարքից դուրս է բերվել Ուկրաինայի 1502 ռազմական օբյեկտ, ցամաքում ոչնչացվել է 47, երկնքում՝ 11 ինքնաթիռ, ինչպես նաև 472 տանկ և այլ զրահատեխնիկա, 46 անօդաչու թռչող սարք։
Հիշեցնենք, որ երեկ ՌԴ ՊՆ-ից հայտնել էին, որ բարձր ճշգրտության զենքով հարված է հասցվելու Ուկրաինայի անվտանգության ծառայության և 72-րդ տեղեկատվական-հոգեբանական գործողությունների Կիևի գլխավոր կենտրոնի տեխնոլոգիական օբյեկտներին։
Ռուսական կողմը Կիևի բնակիչներին, որոնք ապրում են ռելեային հանգույցների մոտակայքում, հորդորել էր լքել իրենց տները։
