ԱՄՆ նախագահ Ջո Բայդենը ժողովրդին ուղղված իր ուղերձում ասել է, որ Ռուսաստանին սպասվում են հետագա տնտեսական պատժամիջոցներ։ Այս մասին հայտնում է bbc.com-ը։
«Նա չի պատկերացնում, թե ինչ է սպասվում իրեն»,- ասել է Բայդենը Վլադիմիր Պուտինի մասին՝ նշելով, որ ՌԴ նախագահը կոպտորեն թերագնահատել է Արևմուտքի հնարավոր արձագանքը ՌԴ ագրեսիային։
«Պուտինի պատերազմը կանխամտածված էր և առանց հրահրման: Նա մերժեց դիվանագիտական ջանքերը… Նա կարծում էր, որ Արևմուտքն ու ՆԱՏՕ-ն չեն արձագանքի: Եվ նա կարծում էր, որ կարող է բաժանել մեզ… Պուտինը սխալվում էր: Մենք պատրաստ էինք»,- ասել է Ջո Բայդենը:
