Բոսնիայի եւ Հերցեգովինայի նախագահության անդամ Միլորադ Դոդիկը լրագրողներին հայտարարել է, որ պետությունը չի միանա Ռուսաստանի դեմ արեւմտյան պատժամիջոցներին։
«Մենք ամբողջությամբ չեզոք կմնանք եւ չենք միանա ոչ ԵՄ-ի սանկցիաներին, ոչ էլ որեւէ այլ մեկի»,- հայտարարել է նա РТРС ալիքի եթերում։ Բացի դրանից, քաղաքական գործիչը վստահեցրել է, որ Բոսնիան եւ Հերցեգովինան չեզոքություն կպահպանի Ուկրաինայում իրավիճակի ֆոնին՝ չնայած նրան, որ որոշ երկրներ կարծում են անհրաժեշտ է անհապաղ «կողմ ընտրել»։ Միեւնուն ժամանակ Դոդիկը նշել է, որ Բոսնիան եւ Հերցեգովինան ճանաչում է Ուկրաինայի տարածքային ամբողջականությունը։
