Բելառուսի նախագահ Ալեքսանդր Լուկաշենկոն հայտարարել է, որ արևմտյան երկրների պատժամիջոցային քաղաքականությունն ուղղված է Ռուսաստանին որպես մրցակից վերացնելուն, սակայն դա մղում է երրորդ համաշխարհային պատերազմի։ ՏԱՍՍ-ի փոխանմամբ՝ հայտնում է Բելառուսի նախագահի մամուլի ծառայությունը։
«Այս իրավիճակում մի բան պետք է հասկանաք՝ կան նման պատժամիջոցներ, հիմա շատ են խոսում բանկային հատվածի մասին՝ գազ, նավթ, SWIFT։ Սա ավելի վատ է, քան պատերազմը։ Սա Ռուսաստանին մղում է երրորդ համաշխարհային պատերազմի։ Այստեղ մենք պետք է զուսպ լինենք, որպեսզի չխառնվենք, քանի որ միջուկային պատերազմն ամեն ինչ է»,- ասել է Լուկաշենկոն։
Նրա կարծիքով՝ Մինսկի և Մոսկվայի հակապատժամիջոցները շատ զգայուն կլինեն Արևմուտքի համար։ «Մեր պատժամիջոցները՝ Ռուսաստանի և Բելառուսի, շատ զգայուն են լինելու», – լրագրողներին ասել է Լուկաշենկոն։
Նրա խոսքով՝ «հակապատժամիջոցների այս մեխանիզմները սկսել են գործել»։
