Ուկրաինան կորցրել է վերահսկողությունը Սև ծովում Օդեսայի մարզին պատկանող Զմեինի կղզու նկատմամբ։ ՏԱՍՍ-ի փոխանցմամբ՝ այս մասին հինգշաբթի երեկոյան հայտնել է Ուկրաինայի պետական ​​սահմանապահ ծառայությունը։

«Ըստ առկա տեղեկատվության՝ Զմեինի կղզին գրավվել է։ Ռազմական ենթակառուցվածքը կղզում ոչնչացվել է ռազմածովային զենքերի և մարտական ​​ինքնաթիռների գնդակոծությունից հետո։ Ուկրաինացի զինվորականների հետ կապը կորել է»,- հայտնում է Պետական ​​սահմանային ծառայությունը Facebook-ի իր էջում։