azatutyun.am: Վաշինգտոնի և Թեհրանի միջև լարվածության աճի ֆոնին՝ Միացյալ Նահանգները ավելացրել է իր ռազմական կարողությունները Մերձավոր Արևելքում և Պարսից ծոցում՝ այստեղ դեսանտային ռազմանավ և «Պատրիոտ» հրթիռային մարտկոց տեղակայելով:
Պենտագոնը հայտարարել է, որ «Արլինգտոն» ռազմանավը կմիանա տարածաշրջանում արդեն իսկ տեղակայված ուժերին: Այս ռազմանավով ծովային հետևակայիններ, դեսանտային զրահամեքենաներ և հավելյալ օդուժ է տեղափոխվում տարածաշրջան:
Վաշինգտոնը վերջին շրջանում մի շարք պատժամիցներ է սահմանել իրանական նավթի և մետաղների արտահանման դեմ, պնդելով, որ Թեհրանը փորձում է միջուկային զենք ստեղծել և ֆինանսավորում է զինյալ խմբերի գործունեությունը տարածաշրջանում: Թեհրանը հերքում է այս մեղադրանքները:
