ՀՀ տարածքային կառավարման և ենթակառուցվածքների նախարար Գնել Սանոսյանը երեկ էներգետիկայի ոլորտի հարցերով խորհրդակցություն է անցկացրել։

 

Մասնավորապես, քննարկվել են էներգետիկ համակարգի պետական բաժնեմասով ընկերությունների կողմից 2022 թ․ իրականացվող ծրագրերը և ընթացիկ աշխատանքները։ Քննարկվել են ընկերությունների գործունեության արդյունավետության բարձրացման վերաբերյալ հարցեր։

 

Ընկերությունների գլխավոր տնօրենները ներկայացրել են իրենց կողմից իրականացվող ծրագրերի ընթացքը և առկա խնդիրները։

 

Անդրադարձ է կատարվել 2022 թ․ փետրվարի 1-ից գործարկվող էլեկտրաէներգետիկական շուկայի նախապատրաստական աշխատանքներին։

 

Նախարարը հստակ ցուցումներ և հանձնարարականներ է տվել ծրագրերի իրականացման

ինտենսիվությունը բարձրացնելու և դրանք սահմանված ժամկետներում և պատշաճ որակով իրականացնելու վերաբերյալ։