Հավաքական անվտանգության պայմանագրի կազմակերպության (ՀԱՊԿ) անդամ երկրների ղեկավարների առցանց կոնֆերանսը՝ քննարկելու Ղազախստանի իրավիճակը, նախատեսված է հունվարի 10-ին։ Այս մասին ՌԻԱ Նովոստիին հայտնել են ՀՀ կառավարության մամուլի ծառայությունից։

Նախօրեին Հայաստանի վարչապետ Նիկոլ Փաշինյանը Վլադիմիր Պուտինի հետ հեռախոսազրույցում ասել էր, որ Երևանը՝ որպես կազմակերպության նախագահ, հրավիրում է Հավաքական անվտանգության խորհրդի նիստ։ Այս առաջարկն ավելի վաղ արել էր Ղազախստանի նախագահ Կասիմ-Ժոմարտ Տոկաևը։