Բնապահպանության և ընդերքի տեսչական մարմնի աշխատակիցները ճանապարհաշինական գործունեություն ծավալող «Ճանապարհ» ՍՊԸ-ում իրականացրել են ստուգում և հայտնաբերել, որ ընկերությունն ընդերքօգտագործման բոլոր ձևերի աշխատանքների ընթացքում չի պահպանել և չի վարել երկրաբանական ու մարկշեյդերական փաստագրություն։

Բացի այդ, ընկերությունը գերազանցել է սահմանային թույլատրելի արտանետումների չափաքանակը։ Արտանետել է 12.579 տոննա անօրգանական փոշի։

«Ճանապարհ» ՍՊԸ տնօրենին ներկայացվել է 3.336.720 ՀՀ դրամի չափով շրջակա միջավայրին հասցված վնասի հատուցման պահանջ, նաև նշանակվել է վարչական տուգանք, ընդհանուր՝ 300.000 ՀՀ դրամի չափով։