azatutyun.am: Թուրքիայի արտգործնախարար Մևլութ Չավուշօղլուն «Ենի Շաֆաք» պարբերականին այսօր ասել է, թե Ֆրանսիան և Հունաստանը խոստացել են օդանավեր ուղարկել Թուրքիայում անտառային հրդեհների դեմ պայքարելու համար, բայց հետո վերանայել են որոշումը:
«Թուրքիան, իհարկե, ընդունում է այլ երկրների առաջարկած օգնությունը: Ֆրանսիան խոստացավ, հետո չեղարկեց առաջարկը, Հունաստանը խոստացավ, հետո հաղորդեց, որ իրենց մոտ էլ կան հրդեհներ»,- ասել է Չավուշօղլուն:
Անօդաչուներից ստացված տեսանկարահանումները վկայում են, որ անտառային հրդեհները Թուրքիայում հասել են Միջերկրականի ափին գտնվող Մարմարիս ավանին:
Հրշեջները և փրկարար ծառայությունները փորձում են օդանավերով և ուղղաթիռներով հասցրած ջրով մարել կրակը:
