Մեկնարկեց Իրանի ԱԳ նախարար Ջավադ Զարիֆի այցը Հայաստան: Այս մասին հայտնում են ՀՀ ԱԳՆ-ից։
«Զվարթնոց միջազգային օդանավակայանում ՀՀ ԱԳ նախարարի պաշտոնակատար Արա Այվազյանը դիմավորեց Իրանի իր գործընկերոջը»,- նշված է հաղորդագրության մեջ։
Նշենք, որ ավելի վաղ արտաքին գերատեսչությունից հայտնել էին, որ այցի շրջանակներում նախատեսված են հանդիպումներ նախագահ Արմեն Սարգսյանի, վարչապետի պաշտոնակատար Նիկոլ Փաշինյանի և արտգործնախարարի պաշտոնակատար Արա Այվազյանի հետ:
