armenpress.am: ՀՀ ազգային ժողովն առաջին ընթերցմամբ ընդունելու համար քննարկեց «Ժամանակավոր անաշխատունակության և մայրության նպաստների մասին» օրենքում փոփոխություններ կատարելու մասին» օրենքի նախագիծը:
Այն հեղինակել են «Իմ քայլը» խմբակցության պատգամավորներ Գևորգ Պապոյանը և Հերիքնազ Տիգրանյանը:
Օրենքի նախածգով առաջարկվում է բարելավել ժամանակավոր անաշխատունակության նպաստ հաշվարկելու պայմանները:
Հեղինակները, մասնավորապես, առաջարկում են վարձու աշխատողին նպաստ վճարել նաև ժամանակավոր անաշխատունակության 1-ին օրվա համար. գործող կարգավորումների համաձայն՝ նպաստը վճարվում է սկսած ժամանակավոր անաշխատունակության 2-րդ օրվանից:
Ազգային ժողովի Առողջապահության և սոցիալական հարցերի մշտական հանձնաժողովն օրենքի նախագծին տվել է դրական եզրակացություն:
