armenpress.am։ Վարձու աշխատողներն անկախ աշխատավարձի մեծությունից կհարկվեն 5000 դրամ ամրագրված դրույքաչափով: Այս մասին ԱԺ տնտեսական հարցերի մշտական հանձնաժողովի նիստից հետո լրագրողների հետ զրույցում ասել է ՀՀ ֆինանսների փոխնախարար Արման Պողոսյանը:
«Վարձու աշխատողները հարկվելու են ոչ թե եկամտային հարկի ստանդարտ սանդղակի կամ կառավարության առաջարկած համահարթ դրույքաչափով, այլ 5000 դրամ ամրագրված դրույքաչափով՝ անկախ աշխատավարձի մեծությունից»,-ասել է փոխնախարարը:
Նա նաև տեղեկացրել է, որ նախատեսված փոփոխություններում միկրոձեռնարկատիրության հարկման համակարգում բոլորը ազատվում են հիմնական հարկերից՝ անգամ շրջանառության հարկից կամ ավելացված արժեքի հարկից:
