24news.am։ Երկրապահ կամավորական միությունն այսօր, ապրիլի 7-ին, հրավիրել է 12-րդ արտահերթ համագումար, որի ընթացքում ԵԿՄ-ականներն ընտրելու են վարչության նախագահ։

Համագումարի օրակարգում ընդգրկվել են նաև հետևյալ հարցերը․ ՀՀ Երկրապահ կամավորականների միության վերստուգիչ հանձնաժողովի ընտրություններ, ՀՀ ԵԿՄ 12-րդ արտահերթ համագումարի հայտարարությունը։

Նշենք, որ փետրվարի 11-ին կայացած ԵԿՄ հավաքի ժամանակ երկրապահները միաձայն որոշել են ԵԿՄ վարչության նախագահի պաշտոնում առաջադրել «Սասուն» կամավորական ջոկատի հրամանատար, ԱԺ պատգամավոր Սասուն Միքայելյանի թեկնածությունը։