armenpress.am: ՀՀ ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը նորմալ է վերաբերվում Արցախում ռուսերենին պաշտոնական լեզվի կարգավիճակ տալու մտադրությանը: Մարուքյանը նման տեսակետ հայտնեց ԱԺ-ում լրագրողների հետ զրույցում:
«Հիմա ուզում եք այդ կոնտինգենտը խաղաղություն ապահովի, ուզում եք այդ կոնտինգենտը մեր անվտանգությունն ապահովի, բայց իրենց լեզվով ոչ մի բան չլինի՞, դա արդա՞ր է»,-ասաց Մարուքյանը:
Ըստ նրա՝ ինքնիշխանությունը լեզուներով պայմանավորված չէ: ԼՀԿ ղեկավարը բերեց Շվեյցարիայի օրինակը, որը 1-ից ավելի պաշտոնական լեզուներ ունի, և հարցրեց՝ հիմա այն սուվերեն չէ՞:
