armenpress.am: Խորհրդարանական և արտախորհրդարանական ընդդիմադիր ուժերից բաղկացած «Հայրենիքի փրկության շարժում» նախաձեռնության վարչապետի միասնական թեկնածու Վազգեն Մանուկյանը քաղաքացիներին հրավիրել է Ազատության հրապարակ քննարկելու որոշ հրատապ հարցեր:
Այս մասին Մանուկյանն ասաց լրագրողների հետ զրույցում:
«Այսօր հանրահավաք չէ, մեր հանրահավաքը փետրվարի 20-ին է, մեծ հանրահավաք է լինելու: Այսօր ուղղակի հրավիրել եմ ժողովրդին` միասին հարցեր քննարկելու: Սա իմ անձնական նախաձեռնությունն է»,- ասաց Մանուկյանը:
Վազգեն Մանուկյանը հավելեց, որ այս հավաք-քննարկումը որևէ կապ չունի «Հայրենիքի փրկության շարժում» նախաձեռնության հետ:
