tert.am: Թուրքահայ լրագրող, «Ակօս» թերթի նախկին գլխավոր խմբագիր Հրանտ Դինքի սպանության գործով ձերբակալվել է սպանության ժամանակ Թուրքիայի ժանդարմերիայի հետախուզությունում ծառայած սպա Օքան Շիմշեքը: Այս մասին տեղեկացնում է «Ակօս»-ը:
Շիմշեքի նկատմամբ ձերբակալման որոշումը թուրքական դատարանը կայացրել էր հունվարի 8-ին` նրան սպանության մասին նախապես իմանալու և այն թաքցնելու մեղադրանք առաջադրելով:
Նշվում է, որ Շիմշեքը ձերբակալվել է Մանիսա քաղաքում:
Մի քանի օր առաջ էլ նույն գործի շրջանակներում ձերբակալվել էր ժանդարմերիայի հետախուզության ևս 2 նախկին սպա` Վեյսալ և Վոլքան Շահինները:
