tert.am: Կանադայի առողջապահության նախարարությունը հաստատել է հայազգի գործարար Նուբար Աֆեյանի Moderna ընկերության կողմից մշակված կորոնավիրուսի դեմ պատվաստանյութը: Այս մասին ասվում է նախարարության պաշտոնական կայքում:
Հաղորդագրությունում, մասնավորապես, նշվում է. «Կանադայի առողջապահության նախարարությունն այսօր հաստատեց Կանադայում COVID-19-ի դեմ երկրորդ պատվաստանյութը, որը մշակվել է Moderna ընկերության կողմից»:
Մանրամասնվում է նաև, որ գերատեսչությունը Moderna-ից հայտ է ստացել հոկտեմբերի 12-ին և «տվյալների ամբողջական և անկախ վերլուծություն» իրականացման արդյունքում տեղի մասնագետները եզրակացրել են, որ դեղամիջոցն անվտանգ է, արդյունավետ և որակյալ:
