Վայոց ձորի մարզպետ Արարատ Գրիգորյանը հայտնել է, որ մարզի սահմանները վերահսկելի են և անվտանգ, սահմանային բնագծերի փոփոխություններ չկան։
«Հարգելի՛ հայրենակիցներ,
Վայոց ձորի մարզի սահմանները վերահսկելի են և անվտանգ։ Սահմանային բնագծերի փոփոխություններ չկան։ ՀՀ սահմանները պահպանվում և վերահսկվում են ՀՀ ՊՆ համապատասխան ստորաբաժանումների կողմից:
Լրատվամիջոցներին կոչ ենք անում անհարկի խուճապ չառաջացնել հանրության շրջանում և զերծ մնալ մանիպուլյատիվ տեղեկատվություն տարածելուց»,- գրել է նա:
Ավելի վաղ Սյունիքի մարզպետարանը հերքել էր տարածվող լուրերը, թե թշնամին հարձակման է անցել Կապանի Ագարակ գյուղի ուղղությամբ։
