1lurer.am: «Լուսավոր Հայաստան» կուսակցության ղեկավար Էդմոն Մարուքյանը չի բացառել, որ կարող է միանալ ընդդիմադիր 16 կուսակցություններին:
«Ամեն ինչ հնարավոր է, ես ոչ մի բան չեմ բացառում մեծ քաղաքականության մեջ: Կան բաներ, որ բացառում եմ, բայց ձեր տված հարցերը չեմ բացառում»,- լրագրողների հետ ճեպազրույցում ասաց նա:
Մարուքյանը տեղեկացրեց, որ պետք է նաև հանդիպիսի այդ կուսակցությունների ձևավորած Հայրենիքի փրկության շարժման՝ վարչապետի միասնական թեկնածու Վազգեն Մանուկյանի հետ:
Հարցին, թե ինչ են քննարկելու, արդյո՞ք միասին գործելու հարցը, Մարուքյանը պատասխանեց՝ Մանուկյանն է նախաձեռնել, ինքը պետք է լսի նրան:
Հիշեցնենք՝ ավելի վաղ ԼՀԿ-ն հայտարարել էր, որ վարչապետի պաշտոնը թափուր մնալու դեպքում իրենց թեկնածուն Էդմոն Մարուքյանն է:
