19:00-ի դրությամբ առատ ձյան պատճառով և երթևեկության անվտանգությունն ապահովելու նպատակով Դիլիջանի ոլորանները ծանրաքաշ և կցորդիչով մեքենաների համար փակ են: Այս մասին հայտնում է ՀՀ տարածքային կառավարման և ենթակառուցվածքների նախարարությունը (ՏԿԵՆ)։
«Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Ծանրաքաշ և կցորդիչով մեքենաների հարգելի՛ վարորդներ, հորդորում ենք տվյալ ուղղությամբ չերթևեկել և խստորեն հետևել ինչպես ոստիկանության, այնպես էլ կապալառու կազմակերպության աշխատակիցների ցուցումներին»,- ասված է ՏԿԵՆ-ի տարածած հաղորդագրությունում:
