tert.am: ՌԴ ՊՆ Հատուկ նշանակության բժշկական ստորաբաժանման բժիշկներին բուժօգնություն ստանալու նպատակով շուրջ 70 բնակիչ է դիմել, հաղորդում է ՌԴ ՊՆ-ն:
Քաղաքացիները դաշտային նորաստեղծ հոսպիտալ են դիմել հիմնականում սրտային, էնդոկրին համակարգի խնդիրներով ու ատամնաբուժական խնդիրներով:
ՌԴ ՊՆ Հատուկ նշանակության բժշկական ստորաբաժանման կազմում Լեռնային Ղարաբաղ է ժամանել ավելի քան 100 ռազմական բժիշկ, որոնց թվում` ռազմական վիրաբույժներ, անեսթեզիոլոգ-ռեանիմատոլոգներ, թերապևտներ և համաճարակաբաններ:
Ռազմաբժշկական ստորաբաժանումները համալրված են լաբորատոր-ախտորոշիչ սարքավորումներով, որոնցով հնարավոր է կատարել ռենտգենոլոգիական, ֆլյուրոոգրաֆիկ, էնդոսկոպիկ հետազոտություններ, վիրահատական միջամտություններ օրական մինչև 40 վիրահատություն ծավալով:
