ՀՀ Ազգային Ժողովի «Իմ քայլը» խմբակցության պատգամավոր Գայանե Աբրահամյանն իր ֆեյսբուքյան էջում հայտնել է, որ ԱԺ պատգամավորի կարգավիճակում իր անելիքը համարում է սպառված։
«Այս օրերին փորձել եմ հնարավոր բոլոր ջանքերը ներդնել իրավիճակը փոքր-ինչ մեղմելու եւ վատթարագույնը կանխելու համար, սակայն այս պահից ՀՀ Ազգային Ժողովի պատգամավորի կարգավիճակում անելիքս համարում եմ սպառված: Ներողություն եմ խնդրում բազմաթիվ սխալների համար»,- գրել է նա։
Հիշեցնենք՝ Գայանե Աբրահամյանն ավելի վաղ վայր էր դրել պատգամավորի մանդատը, սակայն ռազմական գործողությունները սկսվելուց հետո հետ էր վերցրել հրաժարականի դիմումը։
