Ստեղծված իրավիճակում «Քաղաքացու որոշում» կուսակցությունը փնտրում է նոյեմբերի 10-ին հրապարակված փաստաթղթով սկսված գործընթացում Հայաստանի շահերը առավելագույնս ներառելու ուղիներ։ Այս մասին հայտարարություն է տարածել «Քաղաքացու որոշում» կուսակցության Գործադիր մարմինը։
«Այդ նպատակով այժմ ինտենսիվ խորհրդակցություններ ենք նախաձեռնել պետական ռազմաքաղաքական ինստիտուտների, դիվանագիտական ներկայացուցչությունների, քաղաքական ուժերի հետ, առաջ քաշելու որոշակի պատկերացումներ և քննարկելու իրենց պատկերացումները այդ նպատակի իրագործման հարցում»,- ասված է կուսակցության տարածած հաղորդագրության մեջ։
