pastinfo.am: Հայաստանում Գերմանայի դեսպանատան դիմաց ավարտվեց «Արցախի կանանց նախաձեռնող խմբի» այսօրվա ակցիան:
Դեսպանատնից ակցիայի մասնակիցներից հայտնեցին, որ փոխդեսպանը պատրաստ է ընդունել նրանցից միայն մեկին և ծանոթանալ նրանց նամակին:Նախաձեռնության համակարգողներից Լիանա Ադամյանն էլ պնդեց, որ փոխդեսպանը ընդունի ակիցիան համակարգող երեք անդամներին էլ, սակայն դեսպանատանից հայտնեցին, որ,համավարակով պայմանավորված, չեն կարող ընդունել երեքին էլ:
Ակցիայի մասնակիցներն էլ պատռեցին նամակը, որը պետք է հանձնվեր փոխդեսպանին՝ ի նշան արհամարհանքի:
«Արցախի կանանց նախաձեռնող խմբի» անդամները արդեն տևական ժամանակ է ակցիաներ են իրականացնում Հայաստանում գործող տարբեր դեսպանատների և միջազգային կառույցների դիմաց՝ պահանջելով համարժեք պատասխան տալ թուրքադրբեջանական տանդեմի ագրեսիան ընդդեմ Արցախի խաղաղ բնակիչների, կիրառել պատժամիջոցներ Թուրքիայի և Ադրբեջանի հետ, ինչպես նաև հետագա ահաբեկչությունները կանխելու համար՝ ճանաչել Արցախի անկախոթյունը:
