«Россия 24» հեռուստաալիքին տված հարցազրույցում ՌԴ նախագահ Վլադիմիր Պուտինը նշել է, որ Հայաստանը ՀԱՊԿ-ի անդամ է, և Ռուսաստանը նրա նկատմամբ «որոշակի պարտավորություններ» ունի: Այս մասին հայտնում է rbc.ru-ն։
«Բայց մարտերը Հայաստանի տարածքում չեն ընթանում: Ինչ վերաբերում է Ռուսաստանի կողմից իր պայմանագրային պարտավորությունների կատարմանը, մենք միշտ կատարել ենք, կատարում ենք և շարունակելու ենք կատարել մեր պարտավորությունները», – հավելել է Պուտինը:
ՌԴ նախագահը նաև ասել է, որ ինքը մշտական կապ է պահպանում Հայաստանի ղեկավարության հետ, և որ Երևանը որևէ հարց չունի Ռուսաստանի կողմից իր դաշնակցային պարտավորությունների կատարման որակի վերաբերյալ:
