Տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի շրջանակում ՀՀ Շիրակի մարզի Մարմաշենի համայնքապետարանը ձեռք է բերել 8 հակակարկտային կայան:
Շիրակի մարզպետարանից հայտնում են, որ Շիրակ, Ջաջուռ, Կրաշեն, Կարմրաքար բնակավայրերում ավարտվել են հակակարկտային կայանների տեղադրման աշխատանքները, ևս 4 հակակարկտային կայան տեղադրվելու է Կապս, Վահրամաբերդ, Մարմաշեն, Հովունի բնակավայրերում:
Ծրագրի ընդհանուր արժեքը կազմում է 16.800.000 դրամ, որից ՀՀ պետական բյուջեից համաֆինանսավորման չափաբաժինը կազմում է 8.400.000 դրամ, համայնքի բյուջեի ֆոնդային մասից համաֆինանսավորումը՝ 8.400.000 դրամ:
