15։55- ՌԴ-ում կորոնավիրուսի դեպքերի թիվը ավելացել է 4,729 -ի։ Երկրում հաստատված դեպքերի ընդհանուր թիվը հասել է 1,000,048-ի։ Մեկ օրում գրանցվել է մահվան 123 դեպք․ մահացածների ընդհանուր թիվը հասել է 17,299-ի։ Ապաքինվել է 815,705 մարդ, որից 6,318-ը՝ վերջին մեկ օրում։ |24news.am|
11։55- Արդեն 8 ամիս է՝ ապրում ենք COVID-19-ի պայմաններում, և հասկանում ենք, որ մարդիկ հոգնել են ու ցանկանում են շարունակել իրենց կյանքը, բայց ոչ մի երկիր չի կարող ձևացնել, թե համավարակն ավարտվել է: Այս վիրուսը հեշտությամբ տարածվում է, և մենք բոլորս պետք է լրջորեն ճնշենք դրա փոխանցումը ու կյանքեր փրկենք։ Իրականությունն այն է, որ կորոնավիրուսը հեշտությամբ տարածվում է և կարող է մահացու լինել բոլոր տարիքի մարդկանց համար։ Առանց վերահսկողության բնականոն կյանքին վերադառնալն աղետի բաղադրատոմսն է։ [ԱՀԿ ղեկավար] |tert.am|
11։13- Սեպտեմբերի 1-ի դրությամբ Վրաստանում կորոնավիրուսով վարակի 23 նոր դեպք է գրանցվել. ընդհանուր դեպքերի քանակը երկրում 1,510 է: Երկրում այսօր վարակից բուժվել է ևս 3 պացիենտ և ընդհանուր հաշվով՝ վարակը հաղթահարել է 1,243 մարդ: Վարակից երկրում մահացել է 19 մարդ: |aliq.ge|
11։04- Կորոնավիրուսով վարակվածների թիվն աշխարհում մոտենում է 25,5 միլիոնին, հիվանդությունից մահացել է շուրջ 850 հազար, ապաքինվել՝ 16,8 միլիոն մարդ: Անգլիայի, Ֆրանսիայի և Բելգիայի միլիոնավոր աշակերտներ այսօր կվերադառնան դպրոց՝ չնայած Եվրոպայում կորոնավիրուսի տարածման ցուցանիշների աճին: Ֆրանսիայում 11-ից 18 տարեկան աշակերտները, նաև ուսուցիչները պարտավոր են դիմակներ կրել ինչպես ներսում, այնպես էլ դրսում: |azatutyun.am|
10։13- Մոսկվայում մինչ ուսումնական տարվա սկիզբը թեստավորվել են կրթական համակարգի բոլոր աշխատակիցները։ Ավելի քան 180 հազար մարդ հանձնել է ՊՇՌ թեստ։ Թեստավորված անձանց 3 %-ի, այսինքն մոտ 5,500 մարդու թեստերի պատասխանը եղել է դրական։ Նրանք բոլոր կլինեն բժիշկների հսկողության տակ և չեն ներկայանա աշխատանքի։ |hetq.am|
09։49- Բրազիլիայում 1 օրում կորոնավիրուսով վարակման 45,961 նոր դեպք է հայտնաբերվել: Երկրում համավարակի սկզբից ի վեր հաստատվել է վարակի 3,908,272 դեպք, որից 3,097,734 մարդ արդեն ապաքինվել է: Վերջին 1 օրում երկրում կորոնավիրուսի հետևանքով մահացել է 553 մարդ: Մահվան դեպքերի ընդհանուր թիվը 121,381 է: |tert.am|
Նորություններ կորոնավիրուսի մասին, աշխարհ, 02․09․20
