19:25- Բեռլինում հազարավոր մարդիկ դուրս են եկել հակահամաճարակային սահմանափակումների դեմ ցույցերի։ Սկզբում բողոքի ցույցը խաղաղ ընթացք է ունեցել, սակայն վերջում ոստիկանությունը բերման է ենթարկել մի քանի տասնյակ ցուցարարների։ Իրավապահների տվյալներով՝ փողոց է դուրս եկել մոտ 18 000 մարդ։ Համանման բողոքի ցույցեր են եղել նաև Լոնդոնում և Փարիզում, որոնք, ի տարբերություն Բեռլինի, մարդաշատ չեն եղել։ |hetq.am|
18:20- Ռուսաստանում կորոնավիրուսի վարակակիրների թիվը նախօրեին ավելացել է 4980-ով։ Համավարակի սկզբից երկրում ընդհանուր հաստատվել է վարակման 990 326 դեպք։ Հիվանդությունից երկրում նախօրեին մահացել է 68 մարդ, բուժվել է 2 599 մարդ։ Համավարակի սկզբից մահվան ելքով դեպքերի ընդհանուր թիվը հասել է 17 093-ի, ապաքինվածների ընդհանուր թիվը 806 982 է։ |tert.am|
