19։10- Աշխարհում COVID-19-ի հաստատված դեպքերի թիվն անցել է 24 միլիոն 953 հազարը: Վարակվածների թվով առաջին տեղում գտնվող ԱՄՆ-ում 6 միլիոն 97 հազար 426 հաստատված դեպք կա: Վարակի ծագման երկիր Չինաստանում հաստատված ընդհանուր դեպքերի թիվն ավելացել է 9-ով: |armenpress.am|
16:55- Վրաստանը բնակչության 10-20 տոկոսի համար կորոնավիրուսի դեմ պատվաստանյութ ստանալու հայտ է ներկայացնում: Հայտը ներկայացվում է պատվաստանյութերի համաշխարհային դաշինք. սա միասնական հարթակ է, որի միջոցով երկրները հնարավորություն կստանան օգտվելու պատվաստանյութից, երբ հայտը հաստատվի եվրոպական կամ ամերիկյան կարգավորիչների կողմից։ |shantnews.am|
15:15- Հունգարիան սեպտեմբերի 1-ից կրկին փակում է սահմանները օտարերկրացիների առաջ` կորոնավիրուսի աճող դեպքերի պատճառով:
Արտերկրից հայրենիք վերադարձող հունգարացիներին էլ կարող են կարանտինից դուրս գալ միայն կրկնակի բացասական թեստից հետո: Վարչապետ Վիկտոր Օրբանի խոսքով, սահմանափակումները ուժի մեջ կմնան առնվազն մեկ ամիս: |azatutyun.am|
12:45- ԱՄՆ-ում հաստատվել է նոր տեսակի կորոնավիրուսով վերավարակման առաջին դեպքը, որն աշխարհում 4-րդ հաստատված դեպքն է համարվում։ 25-ամյա բնակիչն ապրիլին վարակվել-ապաքինվել էր, սակայն մայիսին կրկին վարակվել էր, հիվանդությունն ավելի ծանր էր ընթացել: Միևնույն ժամանակ տղամարդը վիրուսի նկատմամբ հակամարմիններ է ունեցել: |livescience.com| |tert.am|
11:50- Ադրբեջանի իշխանությունները որոշում են ընդունել երկրում հատուկ կարանտինային ռեժիմը մինչև սեպտեմբերի 30-ը երկարաձգելու մասին։ Մինչ այժմ Ադրբեջանում հաստատվել է կորոնավիրուսով վարակման 35 986 դեպք, 33 461 ապաքինվել է, 527-ը՝ մահացել։ |tass.ru||shantnews.am|
Նորություններ կորոնավիրուսի մասին, աշխարհ, 30․08․20
