17։51- Բելառուսն առաջինը կստանա կորոնավիրուսի դեմ ռուսական պատվաստանյութը: Երկրի նախագահը հայտնել է, որ վստահում է կորոնավիրուսի դեմ ռուսական պատվաստանյութին, քանի որ ՌԴ նախագահն «այն փորձարկել է իր ընտանիքի վրա»: |tert.am|
14։59- Գերմանիայի ամբողջ տարածքում, բացառությամբ մեկ շրջանի, 50 եվրո տուգանք է սահմանվել դիմակների կրման ռեժիմը չպահպանելու համար։ Այս մասին հայտարարել է Գերմանիայի կանցլեր Անգելա Մերկելը։ |aysor.am|
12։59- Վրաստանում կորոնավիրուսի 8 նոր դեպք է հաստատվել․ վարակվածների ընդհանուր թիվը հասել է 1,455-ի։ Ապաքինվածների թիվն ավելացել է 6-ով ու հասել 1196-ի։ |aliq.ge|
11։13- Աշխարհում կորոնավիրուսով վարակվածների թիվը մոտենում է 24,5 միլիոնին, հիվանդությունից մահացել է շուրջ 832 հազար, բուժվել՝ 16 միլիոն մարդ։ Եվրոպայում դեպքերի թիվը վերջին շրջանում ավելանում է, այնտեղ վախենում են վարակի երկրորդ ալիքից: Իսպանիայում 6 տարեկանից բարձր աշակերտները դասերի ընթացքում պետք դիմակ կրեն: |azatutyun.am|
10։46- Թուրքիայում օգոստոսի 27-ին նոր տիպի կորոնավիրուսից մահացել է 26 մարդ, հաստատվել է վարակի 1,491 նոր դեպք, առողջացել է 995 մարդ: Երկրում ընդհանուր առմամբ արձանագրվել է վարակման 263,998 և մահվան 6,209 դեպք։ |ermenihaber.am|
10։29- Վերջին մեկ օրվա ընթացքում Բրազիլիայում հաստատվել է կորոնավիրուսի 44,235 նոր դեպք, մահացել է 984 մարդ: Համաճարակի սկզբից ի վեր երկրում հայտնաբերվել է 3 միլիոն 761,391 դեպք, որից 118,649-ը՝ մահվան ելքով։ |shantnews.am|
10։01- Ճապոնիայի կառավարությունը մտադիր է մինչև 2021թ. կեսը ողջ բնակչությանը կորոնավիրուսի դեմ պատվաստանյութով ապահովել։ Երկիրն արդեն պայմանագրեր է ստորագրել բրիտանա-շվեդական AstraZeneca դեղագործական և ամերիկյան Pfizer ընկերությունների հետ 120 միլիոն չափաբաժին պատվաստանյութ ձեռք բերելու համար: |tert.am|
09։44- Ֆրանսիայում վերջին մեկ օրում կորոնավիրուսով վարակման ավելի քան 6,000 նոր դեպք է գրանցվել, ինչը երկրում համավարակի սկզբից ի վեր երկրորդ ամենաբարձր ցուցանիշն է։ Ներկայիս տվյալներով՝ երկրի բուժհաստատություններում կորոնավիրուսից բուժվում է 4,535 վարակակիր, որոնցից 381-ը՝ վերակենդանացման բաժանմունքներում: |tert.am|
09։37- Կորոնավիրուսը միլիոնավոր մարդկանց հոգեկան առողջության վրա է ազդել, քանի որ տագնապ ու վախ է առաջացրել նրանց մոտ, ինչպես նաև խաթարել հոգեկան առողջությանն աջակցող ծառայությունների աշխատանքը: Մինչև համավարակն էլ մարդկանց հոգեկան առողջական վիճակը համաշխարհային առողջապահության մոռացված հարցերից մեկն է եղել։ Շուրջ մեկ միլիարդ մարդ աշխարհում հոգեկան խանգարում ունի, 3 միլիոնն ամեն տարի մահանում է ալկոհոլի չարաշահումից, և ամեն 40 վայրկյանը մեկ ինքնասպանություն է գրանցվում։ [ԱՀԿ ղեկավար] |tert.am|
09։30- Մոսկվայում վերջին 24 ժամում կորոնավիրուսից 10 մարդ է մահացել, որոնց բոլորի մոտ հիվանդությունը թոքաբորբով է ուղեկցվել։ Համաճարակի սկզբից մինչ այժմ ՌԴ մայրաքաղաքում կորոնավիրուսով վարակման ավելի քան 260,000 դեպք է գրանցվել: Ավելի քան 210,000 վարակակիր ապաքինվել է, 4786-ը՝ մահացել: |tert.am|
Նորություններ կորոնավիրուսի մասին, աշխարհ, 29․08․20
Կորոնավիրուսի շուրջ զարգացումներ, Հայաստան, 28․08․20
