17:48- ՍԱՏՄ տեսուչներն այսօր հանրային սննդի օբեկտներում արձանագրել են սեղանների և անձանց միջև սոցիալական հեռավորություն ապահովելու, խոհանոցում և սանհագույցում օգտագործված դիմակների համար նախատեսված փակվող աղբաման ունենալու, իսկ իրացման ցանցում՝ ջերմաչափման և ախտահանման գրանցամատյաններում ճշգրիտ գրառումների, ինչպես նաև դիմակը պատշաճ կրելու հետ կապված խախտումներ:
16։51- ԱԻ նախարարի տվյալներով՝ ԱԻՆ-ում մինչ օրս արձանագրվել է 91 դեպք: Դեպքերի մեծ մասի պարագայում վիրուսը դրսից է բերվել: Նախարարի խոսքով՝ ունեցել են մահվան 2 և ինքնամեկուսացման 380 դեպք: Այժմ 4 վարակակիր կա: |shantnews.am|
16։07- Հայաստանը կորոնավիրուսի դեմ ռուսաստանյան պատվաստանյութը ձեռք բերելու համար չի դիմել։ Այս մասին հայտնել է ԱՆ խոսնակը։ Նրա խոսքով՝ նախարարությունը դեռևս հետևում է այն բոլոր երկրներին, որոնք կորոնավիրուսի դեմ պատվաստանյութեր արտադրելու, փորձարկելու փուլում են։ |civilnet.am|
11։20- Արցախում հաստատվել է կորոնավիրուսի 1 նոր դեպք: Վարակակիրը Ստեփանակերտ քաղաքից է: Փաստացի բուժում է ստանում 21, ընդհանուր մեկուսացված է 42 քաղաքացի: Բժիշկները 1 հիվանդի առողջական վիճակը գնահատում են ծանր, 1-ինը՝ միջին ծանրության: [Արցախ/տեղեկատվական շտաբ]
11։01- Մահվան դեպքերի վերաբերյալ հայտնում ենք, որ պացիենտները եղել են 53 (կին), 55 (կին), 65 (տղամարդ), 65 (կին) և 72 (կին) տարեկան: Բոլորն ունեցել են ուղեկցող քրոնիկական հիվանդություններ։ [ՀՀ ԱՆ]
10։51- Թարմացված 28.08.2020թ․
Հաստատված դեպքերի ընդհանուր քանակը – 43451 (+181)
Առողջացածներ – 37264 (+276)
Փաստացի բուժվողներ -5052
Ընդհանուր թեստեր – 202253 (+1746)
Մահվան ելքեր – 869 (+5)
Մահվան ելքեր այլ պատճառով –266 (+1) [ՀՀ ԱՆ]
Կորոնավիրուսի շուրջ զարգացումներ, Հայաստան, 29․08․20
