21։50- Երեխան դպրոց չի հաճախելու եթե առկա է ծնողի կամ օրինական ներկայացուցչի դիմումը, երբ սովորողն ունի կորոնավիրուսային հիվանդության ռիսկի խմբի հիվանդություններից որևէ մեկը, տանն առկա է կորոնավիրուսային հիվանդության ախտանիշներով կասկածելի կամ հաստատված հիվանդ, տանն առկա է կորոնավիրուսային հիվանդության ռիսկի խմբի ընտանիքի անդամ: [ԿԳՄՍ փոխնախարար]
20։59- ԿԳՄՍ փոխնախարար Ժաննա Անդրեասյանն իր ֆեյսբուքյան էջում հայտնում է, ։որ կորոնավիրուսային հիվանդության ծանր ընթացքով զարգացման բարձր ռիսկային խմբի ուսուցիչները (65 և ավելի տարիք ունեցողները` անկախ առողջական վիճակից) կարող են աշխատանքի ներկայանալ հատուկ պաշտպանիչ միջոցների կիրառությամբ, որոնք տրամադրվում են ՀՀ ԿԳՄՍՆ կողմից, աշխատանքն իրականացնել հեռավար եղանակով, եթե առկա են դրա համար անհրաժեշտ պայմանները, չներկայանալ աշխատանքի:
19։50- Գյումրիի «Երեխաների տուն» մանկատան 6 սաներն ու 7 աշխատակիցները երկու օր առաջ ջերմել են, կատարվել է նմուշառում, որոնց պատասխանները եղել են դրական։ Մանկատանը կատարվել է 60 նմուշառում։ 4 աշխատակիցները և 6 սաները այսօր տեղափոխվել են մայրաքաղաքի բուժհաստատություն, նրանց վիճակը գնահատվում է կայուն։ Մյուս 4 բուժաշխատողները բուժումը շարունակում են տանը։ [Շիրակի մարզպետարանի առողջապահության բաժնի պետ] |shantnews.am|
18։23- Երևանում , թեև մի շարք տնտեսավարողների մոտ դեռևս շարունակում են գրանցվել խախտումներ, սակայն, ընդհանուր առմամբ, բարվոք պատկեր է արձանագրվել: Այսօր դիտարկված հինգ տասնյակից ավելի տնտեսավարողներից միայն երկուսի մոտ են արձանագրվել կոպիտ և կասեցման ենթակա խախտումներ: [ԱԱՏՄ]
17:04- Oգոստոսի 22-ին ՀՀ Արագածոտնի մարզի զբոսաշրջային հետաքրքրություն ներկայացնող վայրերում տեսուչների կողմից արձանագրված հիմնական խախտումները եղել են մարդկային կուտակումները, դիմակը ոչ ճիշտ կրելը, անձանց միջև սոցիալական հեռավորություն չպահպանելը։ [ԲԸՏՄ]
11։05- Արցախում կորոնավիրուսի նոր դեպք չի գրանցվել: Բժիշկները 2 հիվանդի առողջական վիճակը գնահատում են ծանր, 2-ինը՝ միջին ծանրության: [Արցախ/տեղեկատվական շտաբ
10։58- Մահվան դեպքերի վերաբերյալ հայտնում ենք, որ պացիենտները եղել են 62 (կին), 64 (կին), 59 (կին), 87 (տղամարդ), 92 (տղամարդ), 90 (կին), 62 (տղամարդ) և 60 (կին) տարեկան: Բացի վերջինից, մնացածն ունեցել են ուղեկցող քրոնիկական հիվանդություններ։ [ՀՀ ԱՆ]
10։53- Թարմացված 22.08.2020թ․
Հաստատված դեպքերի ընդհանուր քանակը – 42616 (+139)
Առողջացածներ – 35907 (+214)
Փաստացի բուժվողներ -5605
Ընդհանուր թեստեր – 193693 (1494)
Մահվան ելքեր – 850 (+8)
Մահվան ելքեր այլ պատճառով –254 (+1) [ՀՀ ԱՆ]
Կորոնավիրուսի շուրջ զարգացումներ, Հայաստան, 23․08․20
