16։59- ԱՀԿ ղեկավարը նամակ է հղել բոլոր երկրներին՝ կոչ անելով միանալու COVAX միջազգային մեխանիզմին, որի նպատակն է արդարացի հիման վրա բոլոր երկրների ապահովումը կորոնավիրուսի դեմ պատվաստանյութով, երբ այն հայտնվի: Նրա խոսքով՝ գլոբալ մեխանիզմը բացառիկ կարեւոր է համատեղ ապահովման եւ ռիսկերի հակազդման համար: |armenpress.am|
14։43-
- ԱՄՆ-ում բազմաթիվ դպրոցներ վերստին անցել են հեռավար ուսուցման: ԱՄՆ-ում հիվանդների թիվը մոտենում է 5,5 միլիոնին, մահացել է ավելի քան 170 հազար մարդ։
- Բրազիլիայում երեկվա դրությամբ վարակվածների թիվը հասել է 3 միլիոն 360 հազարին: Մահացել է ավելի քան 108 հազար հիվանդ:
- Հնդկաստանում մեկ օրում վարակվել է մոտ 58 հազար մարդ, ընդհանուր՝ 2 միլիոն 700 հազարից ավելի: Վարակից մահացածների թիվը մոտենում է 52 հազարին:
- Վարակակիրների թվով չորրորդ տեղում Ռուսաստանն է, որտեղ հիվանդացել է ավելի քան 927 հազար մարդ, մահացել` առնվազն 15 հազար 740 հիվանդ: |azatutyun.am|
13։30- Կորոնավիրուսով վարակվածների թիվն աշխարհում մոտենում է 21,9 միլիոնին, հիվանդությունից մահացել է ավելի քան 774 հազար, բուժվել՝ մոտ 13,9 միլիոն մարդ։ |azatutyun.am|
13։04- Վրաստանում կորոնավիրուսի 10 նոր դեպք է արձանագրվել, առողջացածների թիվը չի փոխվել: Այս պահի դրությամբ՝ Վրաստանում կորոնավիրուսով վարակման 1,351 դեպք է արձանագրված, ապաքինման՝ 1,092: |aliq.ge|
10։47- Ռուսաստանի էներգետիկայի նախարար Ալեքսանդր Նովակը վարակվել է կորոնավիրուսով։ |shantnews.am|
Նորություններ կորոնավիրուսի մասին, աշխարհ, 19․08․20
