tert.am: Մինսկում այսօր ի աջակցություն գործող նախագահ Ալեքսանդր Լուկաշենկոյի՝ «համերաշխության ցույց» է անցկացվում․ ցույցի ծրագրի մասին տեղեկությունը հրապարակվել է իշխանամետ
«Белая Русь» հասարակական կազմակերպության ֆեյսբուքյան էջում։ 

«Ցույցը խաղաղ բնույթ է կրում։ Դրան մասնակցելու են բոլոր նրանք, ում համար իրենց հայրենիքը թանկ է և նրանք, ովքեր դեմ են երկիրը երկու իրար դեմ հանդես եկող խմբերի բաժանելուն»,- ասվում է հաղորդագրության մեջ։ 

Նշվում է, որ այժմ Բելառուսի տարբեր քաղաքներից հանրապետության մայրաքաղաք  ավտոբուսներով մարդկանց են տեղափոխում, որոնք ցույցի ժամանակ իշխանության կողմից են հանդես գալու։