Երևանի քաղաքապետ Հայկ Մարությանը քաղաքապետարանում հյուրընկալել է Հայաստանի Հանրապետության նախագահ Արմեն Սարգսյանին։ Քաղաքապետը նախագահին է ներկայացրել Երևանի զարգացմանը միտված ընթացիկ ու առաջիկա ծրագրերը: Զրուցակիցները մտքեր են փոխանակել մայրաքաղաքի զարգացման հեռանկարների շուրջ:
Հանդիպման ավարտին տեղի է ունեցել զրույց նաև նախագահ Արմեն Սարգսյանի և Երևանի գլխավոր ճարտարապետ Արթուր Մեսչյանի միջև։
