Այսօր մասնակցել եմ շինարարական ընկերությունների ներկայացուցիչների հետ հեռավար հանդիպմանը, որոնք 8 ավագ դպրոց են կառուցում Հայաստանի տարբեր մարզերում և Երևանում: Այս մասին ֆեյսբուքյան իր էջում գրել է ԿԳՄՍ նախարար Արայիկ Հարությունյանը։
«Հորդորելով հետևել կարգապահական բոլոր կանոններին՝ ընդգծել եմ, որ շինարարությունը տնտեսության շարժիչ կարևոր ոլորտներից մեկն է, և մենք հնարավոր ամեն ինչ պետք է ձեռնարկենք «Կրթության բարելավում» վարկային ծրագրով ընթացող շինարարական աշխատանքների որակն ու տեմպը պահելու համար»:
