pastinfo.am: Արցախի Հանրապետությունը կորոնավիրուսով վարակված քաղաքացու համագյուղացիների համար սահմանել է ինքնամեկուսացման ռեժիմ։ Այս մասին այսօր հրավիրված ասուլիսում ասաց ԱՀ պետական նախարար Գրիգորի Մարտիրոսյանը։
Նա հայտնեց, որ ինքնամեկուսացված անձանց Կառավարությունը կապահովի սննդով ու այլ անհրաժեշտ պարագաներով։
«Հիմա հստակեցվում է քաղաքացու շփումների շրջանակը, և մենք կմեկուսացնենք բոլոր այն քաղաքացիներին, ովքեր կարող են շփում ունեցած լինել վարակված անձի հետ»,-ասաց Մարտիրոսյանը։
Նա նշեց, որ մոտավորապես 17 հոգու նկատմամբ խիստ հսկողություն է սահմանվել, քանի որ նրանք շփում են ունեցել վարակված անձի հետ։
Հիշեցնենք, որ Արցախն այսօր հայտարարել է առաջին վարակակրի մասին:
