aysor.am: «Արտակարգ դրության իրավական ռեժիմի մասին» օրենքում լրացումներ կատարելու մասին» և «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծում առաջինից երկրորդ ընթերցում բավականին փոփոխություններ են եղել, ԱԺ ճեպազրույցների ժամանակ ասաց «Իմ քայլի» պատգամավոր Բաբկեն Թունյանը։
«Խմբակցության կողմից եղել են առաջարկներ, որոնք ընդունվել են, փաթեթը փոփոխությունների է ենթարկվել», – ասաց նա։
Թունյանն ընդգծեց, որ փարատվել են այն բոլոր մտահոգություններ, որոնք պատգամավորներն արտահայտել էին երեկ նախագծի քննարկման ժամանակ։
