Առողջապահության նախարար Արսեն Թորոսյանը ֆեյսբուքյան իր էջում գրել է․

«Ցավով պետք է նշեմ, որ վերջին 1 ժամվա մեջ Նորքի ինֆեկցիոն հիվանդանոցում երկու մահ ունեցանք՝ 55 տարեկան կնոջ և 73 տարեկան տղամարդու, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։

Բժիշկներն արեցին ամեն հնարավորը նրանց կյանքը փրկելու համար, ինչը ցավոք չհաջողվեց…

Ցավակցում եմ նրանց հարազատներին»։

Այսպիսով, ընդհանուր առմամբ արձանագրվել է կորոնավիրուսային հիվանդությունից մահվան 3 դեպք, բուժվել են 30 հոգի, փաստացի բուժվում են 374-ը։