aysor.am: Առողջապահության համաշխարհային կազմակերպության երկու աշխատակից վարակվել է նոր կորոնավիրուսով, նրանք մեկուսացված են: Վարակվածների շփման շրջանակը ստուգվում է, երեքշաբթի կայացած ճեպազրույցի ժամանակ ասել է ԱՀԿ ներկայացուցիչ Քրիստիան Լինդմայերը:
«ԱՀԿ-ի երկու աշխատակիցների մոտ հաստատվել է COVID-19-ի առկայություն: Նրանք մեկուսացված են, և նրանց գործընկերները ստուգվել են», – նշել է նա:
