Հայաստանի առողջապահության նախարար Արսեն Թորոսյանը հորդորում է բոլոր կրոնական կազմակերպություններին ու քաղաքացիներին զերծ մնալ զանգվածային ծեսերից: Այս մասին նա գրել է իր ֆեյսբուքյան էջում:
«Անկեղծ ասած տեղյակ չեմ, թե մեր երկրում գործող կրոնական կազմակերպությունները ինչ որոշումներ ունեն իրենց ծիսակատարությունները շարունակելու կամ դադարեցնելու վերաբերյալ, սակայն ուզում եմ հիշեցնել, որ առնվազն Հարավային Կորեայում և մեր հարևան Իրանում նոր կորոնավիրուսային վարակը իր պայթյունաձև տարածումն է ստացել հենց կրոնական արարողությունների պատճառով։
Հետևաբար կոչ եմ անում մեր քաղաքացիներին և բոլոր կրոնական կազմակերպություններին զերծ մնալ զանգվածային ծեսերից՝ չեղարկելով դրանք մինչև համաճարակի վտանգի իսպառ վերացումը։
Մարդկանց առողջությունը վեր է ամեն ինչից», – կոչ է արել նախարարը։
