armtimes.com: «ՁԻԱՀ-ի կանխարգելման կենտրոն»-ի աշխատակիցները բողոքի ակցիա են անում կառավարության շենքի դիմաց։ Աշխատակիցները նշում են, որ դեմ են «Նորք» ինֆեկցիոն հիվանդանոցի հետ միավորմանը:
Առողջապահության նախարարի հրամանով՝ դադարեցվել է ՀՀ ԱՆ «ՁԻԱՀ-ի կանխարգելման հանրապետական կենտրոն» ՊՈԱԿ-ի տնօրեն Սամվել Գրիգորյանի աշխատանքային պայմանագիրը՝ աշխատանքային պարտականությունները ոչ պատշաճ իրականացնելու հիմքով: Նախարարի այս որոշման հետ համաձայն չեն աշխատակիցները եւ իրենց դժգոհությունն են հայտնում:
Երեկ իրականացված բողոքի ցույցի ժամանակ լարված իրավիճակ էր ստեղծվել. ոստիկանությունը բերման էր ենթարկել կենտրոնի փոխտնօրեն Արամ Հակոբյանին։
