armtimes.com: Այսօր «Քաղաքացիական պայմանագիր» կուսակցության գրասենյակում տեղի է ունեցել վարչության նիստը: Նիստին ներկա էին ՀՀ վարչապետ Նիկոլ Փաշինյանը, փոխվարչապետ Տիգրան Ավինյանը, ԱԺ նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը, մի շարք նախարարներ եւ պատգամավորներ:
Նիստից հետո Տարածքային կառավարման և ենթակառուցվածքների նախարար Սուրեն Պապիկյանը լրագրողների հետ զրույցում ասաց, որ քննարկվել են հանրաքվեի հետ կապված հարցեր, մասնավորապես՝ նախընտրական շտաբ ձեւավորելու հարցը:
Էդուարդ Աղաջանյանն էլ ասաց, որ բացի հանրաքվեի հետ կապված հարցերից, քննարկվել են նաեւ կուսակցությանը առնչվող հարցեր, սակայն կոնկրետ որոշումներ դեռ չկան:
