aysor.am։ Մեծ Բրիտանիայի վարչապետ Թերեզա Մեյը հայտարարել է, որ հունիսի 7-ին հեռանալու է Պահպանողական կուսակցության առաջնորդի պաշտոնից:
Համապատասխան հայտարարություն անելուն նրան ստիպել են կուսակիցները, որոնք դժգոհ են Մեյի կողմից ներկայացված Brexit-ի վերաբերյալ ԵՄ-ի հետ թարմացված համաձայնագրից:
Սա նշանակում է, որ Մեյը պետք է լքի նաև երկրի վարչապետի պաշտոնը: Սակայն մինչ այդ նա կընդունի ԱՄՆ նախագահ Դոնալդ Թրամփին, որը հունիսի սկզբին Միացյալ Թագավորություն է ժամանելու:
Այս պահին վարչապետի պաշտոնի հիմնական թեկնածուն նախկին արտգործնախարար Բորիս Ջոնսոնն է:
