tert.am: Միացյալ Նահանգները պատրաստվում է մոտակա շաբաթներին հավելյալ զորք և տասնյակ կործանիչներ տեղակայել Մերձավոր Արևելքում, ինչը, Պենտագոնի փոխանցմամբ, պայմանավորված է վերջին շրջանում Իրանի հետ լարվածության սրացմամբ:
Նախագահ Դոնալդ Թրամփը լրագրողների հետ հանդիպման ժամանակ հայտնել է, որ ուղարկվելիք 1500 հոգանոց զորքը առավելապես պաշտպանական դեր է ունենալու Իրանի ներկայացրած սպառնալիքի ֆոնին:
The Guardian-ը նկատում է, որ վերջին երեք շաբաթվա ընթացքում Իրանի հետ հարաբերություններում լարվածությունը զգալի աճել է: Դրա ֆոնին ԱՄՆ-ն ավիակիր և տասնյակ ռմբակոծիչներ է ուղարկել Պարսից ծոց:
