lragir.am: Այսօրվա դրությամբ այս տարի Սևանից ոռոգման նպատակով բաց է թողնվել 140 մլն խմ-ից մի փոքր ավելի ջուր։ Այս մասին կառավարության այսօրվա նիստում ասաց շրջակա միջավայրի նախարար Էրիկ Գրիգորյանը՝ հավելելով, որ ամենայն հավանականությամբ, այս տարի էլ ջրբացթողնման կարիք չի լինի, եթե լինի էլ, շատ փոքր քանակությամբ։
«Եվ ըստ էության, մենք ոչ միայն լրացուցիչ ջրառի կարիք չունեցանք, այլ նաև մոտ 30 մլն խմ-ով պակաս վերցրեցինք, որը մոտավորապես հավասար է այն ծավալին, որը նախորդ տարի ավելի վերցրել էինք։
Նաև ուզում եմ նշել, որ այս պահի դրությամբ 5 սմ-ով ավելի է Սևանա լճի մակարդակը և շատ ավելի բարձր կլիներ մակարդակը, եթե բնակլիմայական պայմանները մոտ լինեին միջին տարեկան ցուցանիշներին։ Բայց, կանխատեսումներով՝ մենք կունենանք դրական հաշվեկշիռ»,- ասաց նախարարը։
