tert.am։ Թուրքիայի նախագահ Ռեջեփ Թայիփ Էրդողանը հայտարարել է, որ Անկարան հետ չի կանգնի և չի դադարեցնի ռազմական գործողությունները Սիրիայում, չնայած բազմաթիվ երկրների կողմից հնչած զսպվածության կոչերին: Այս մասին հայտնում է NTV-ն:
«Խաղաղության աղբյուր» անվանումն ստացած ռազմարշավը չենք դադարեցնելու: Մենք մաքրելու ենք Եփրատի արևմուտքը, ինչպես նաև արևելքը` ահաբեկչական կազմակերպություններից, կապահովենք մեր սահմանների անվտանգությունը, ապա սիրիացիների վերադարձն իրենց բնակավայրեր:
Ով ինչ ուզում է թող խոսի, մենք կանգ չենք առնի: Մենք չենք պայքարում քրդերի դեմ, մեր պայքարն ահաբեկչական կազմակերպությունների դեմ է»,- ասել է Թուրքիայի առաջնորդը:
