tert.am: Կանադայի վարչապետ Ջասթին Թրյուդոն հունիսի 20-ին Վաշինգտոնում հանդիպում կունենա ԱՄՆ նախագահ Դոնալդ Թրամփի հետ: Ինչպես հաղորդում է Bloomberg գործակալությունը, նրանք կքննարկեն հյուսիսամերիկյան նոր առևտրային պայմանագրի վավերացման հարցը:
Գործակալության աղբյուրների համաձայն՝ հանդիպման հիմնական թեման առևտուրը կլինի: Ղեկավարները մասնավորապես կքննարկեն Վաշինգտոնի ու Պեկինի միջև առևտրային վեճերը, ինչպես նաև ԱՄՆ-ի իշխանությունների կողմից երկիր ներկրվող ուրանի համար մաքսատուրքերի սահմանման հնարավորությունը:
Սպիտակ տունը դեռևս պաշտոնապես չի հաստատել Թրամփի և Թրյուդոյի սպասվելիք հանդիպման մասին տեղեկությունը:
