news.am: Խորհրդարանական ճեպազրույցների ժամանակ ԱԺ նախագահ Ալեն Սիմոնյանն անդրադարձավ ԱՄՆ նախագահի ազգային անվտանգության հարցերով խորհրդական Մայքլ Ուոլցի հայտարարությանը, թե այս շաբաթ ինքը խոսել է Ադրբեջանի նախագահ Ալիևի ազգային անվտանգության հարցերով խորհրդական Հիքմեթ Հաջիևի հետ, և որ ասել է՝ այժմ պետք է ավարտել խաղաղ համաձայնագիրը ու ազատ արձակել բանտարկյալներին:
«Հուսանք, որ այդ հայտարարությանը կհետևեն հստակ քայլեր, և դա ուղղակի հայտարարություն չի լինի հայտարարության համար»,- ասաց ԱԺ նախագահը:
Հարցին՝ «հստակ քայլ» ասելով՝ ի՞նչ նկատի ունի Ալեն Սիմոնյանը, խորհրդարանի նախագահը պատասխանեց. «Չգիտեմ, թող զանգեն, պայմանավորվեն՝ ո՞նց են մեր գերիներին, մեր մարդկանց հետ տալիս՝ բոլորին անխտիր, անկախ՝ երբ է գերեվարվել»:
